Nant' iqhawe(UWelshman Ncube) ligcotshw' ubukhosi!

The hero, Prof. Welshman Ncube at his  best

Here is another poem in IsiNdebele that I penned praising Welshman, the hero who has defied all attempts by the dictatorship in Zimbabwe to send him into political oblivion.

I also urge you to get a pure IsiNdebele speaker so that you don't miss any part of this poem. After reading this poem, I'm convinced you will finally agree with me that Welshman is the right man for the top job. Here it goes:

Ngisho kuwe mabonw' abulawe,
Wena Welshman Ncube,
Indod' emadoden' eyesatshwa ngamadod' angazathi zimpukunyoni, Isende lenkunz' emnyam' eyathob' enyakatho kwaqaqamb' amaziny' ezitha, 
Qhawe lamaqhawe!

Ngithi kuwe mfokaMzilankatha,
Uyingwegw' egwegwe bonk' abahluphekayo,
Ugwegw' bonk' ekade becindezelw' isikhath' eside ,
Ugwegwe bonke wathi ngilifuna la!

Bheka nampa sebelibheke ngabomvu iqhawe labanikazi,
Izalukazi lamaxhegu zavika ngezimbiza zesathiyane lesahlaka, 
Zathi akulwelw' ezibayeni,
Ofun' ukulwa neqhaw' ungen' ethangweni!

Bathi bayalidl' iqhawe layivik' induku ngesilevu!
Labakhahlela nges'thende bagcwal' uthul' emlonyeni,
Bathi bayavuka waphinda wayithel' induk' emhlan' okaMzilankatha,
Bagomela bekhala ngamaqolo bethi ubephulile!

Leq' iqhaw' elinguWelshman lagwaz' ijodo ngomkhonto,
Lakhwaza lababuza bonke lathi,
'Ukhona yin' ofuna ngimenze-nje?'
Bakhothamis' amakhand' ab' awezinhlwa,
Angazathi babuz' amazwan' abo,
Kant' usepheth' eliny' iqhing' okaNcube!

Laphind' iqhawe lahlafun' unkankalu maqede laluginya,
Bath' ulamang' ulamasalamusi.
Lagijim' iqhawe layazithel' ogagwini,
Bath' ulamang' akumeva ngamaluba lamahlamvu!

Lakhulul' ibhetshu lahlala phezu kwamalahl' abomvu gebhu,
Bath' ulamang' umlilo siyawazi.
Lacuph' umloth' oshisayo lageza ngaw' ubuso,
Bathi vele sesimazi ngusomaqhingase!

Latshopok' iqhawe lathel' ubuso balo ngamanz' abilayo,
Bath' ulamanga sizoze simthole.
Lagad' uvevane laphapha ligombolozel' amangcwab' okhokho balo!

Hayi, bethuka-ke baligcoba!
Langen' iqhaw' esihlalweni sobukhosi.
Ngithi bethanda bengathandi,
Baligcob' iqhawe!

Waqala njalo-ke umbuso kaWelshman Ncube eZimbabwe!

by Fanuel Nsingo